/145/
166. Item.
xie siècle.
Locum sacrum sancta Dei æcclesia quæ est consecratus in honore domini nostri Jhesu Christi et sancti Salvatoris Conchans monasterii, ubi sancta Fides et sanctus Vincencius tumulati consistunt. Quamobrem ego enim, in Dei nomen, Hugo cedo vel dono sancti Salvatoris et sanctæ Fide illo alode meo, post mortem meam de Aqua Frigia, hoc est uno manso ubi Ingelbertus visus est manere, cum vineas, cum terras cultas et incultas; et in ipso loco, uno capud manso ubi Garifredus visus fuit manere, cum vineas, cum terras cultas et incultas, usque in Limione, cum ipso castlaro totum et abintegrum usque ad vineas Elneir, dono totum et abintegrum sancti Salvatoris et sancta Fide post mortem meam. Et in alio loco, in Pojolo, illo manso Unaldesco, cum bosco, cum ipso caput manso, cum terras cultas et incultas, totum dono sancti Salvatoris et sancta Fide, post morte mea et post mortem de uxore mea. Et in alio loco, in Gastaniario, illo manso Radulfesco, cum vineas, cum pratos, cum terras cultas et incultas, totum dono sancti Salvatoris et sancta Fide, post morte mea et post mortem de uxore mea. Et in ipso loco, uno caput mansum hubi Odolricus visus fuit manere, cum molinos, cum terras cultas et incultas, post morte mea et post morte de uxore mea, sancti Salvatoris et sancte Fide remaneat. Et in ipsa Aquafrigida, de illum boscadgum dono vestizone omnibus annis in vita mea, et post mortem meam sancti Salvatoris et sanctæ Fide remaneat. Et in ipsa Aquafrigida, illo caput manso Teudgairesco latus verdiario, cum terras cultas et incultas, post morte mea dono sancti Salvatoris et sancte Fide. Et in alio loco, in Prato Reddundo, unum capudmansum post morte mea sancti Salvatoris et sanctæ Fide remaneat. Et si ullus homo de comunia tollere voluerit istum alodem suprascriptum, fiat excomunicatus et ad limina sanctorum sequestratus et anatematizatus et habeat /146/ partem cum Datan et Habiron et cum Juda traditore in sæcula sæculorum.