/146/
167. Item.
997-1031, avril.
Locum sacrum sanctæ Dei æcclesiæ qui est consecratus in honore domini nostri Jhesu Christi et sancti Salvatoris, ubi sancta Fides et sanctus Vincencius tumulati consistunt. Quamobrem ego enim, in Dei nomine, Hugo cedo vel dono ad præfato monasterio cujus vocabulum est Conchas illo alode meo que michi per originem parentorum justissime obvenit, hoc est unus mansus in Aquafrigida ubi Hugo visus est manere, cum territoriis, cum vineas v denariadas → Gloss. medaliada → Gloss. denariadas et medaliada; et in ipso loco uno caput manso ubi Garifredus visus est manere, cum territoriis usque in Limione, cum ipso castlaro, cum vineas totas usque in vineas Elneir; et in alio loco, in Pojolo, illo manso Unaldesco; et in ipso loco, uno capud manso, cum bosco et cum terra que partit ab territorios de Parisiago; isto manso de Pojolo cum ipso caput manso quamdiu ego vivo teneo, et post morte mea teneat uxor mea, et post morte sua sancti Salvatoris et sancta Fide remaneat; et in alio loco, in Castaniario, uno manso Radulfesco, cum ipsas vineas, cum pratos, cum terras cultas et incultas, usque in illa Francesca et usque in Villa Longa; isto manso Radulfesco de Castaniario ego ipse teneo quamdiu vixero, et post mortem meam teneat uxor mea, et quando illa mortua fuerit, sancti Salvatoris et sanctæ Fidei remaneat; et in ipso loco uno capud manso ubi Odalrigus visus est manere, cum terras, cum vineas, cum molinos, cum terras cultas et incultas; isto capud manso Odalrigesco ego Hugo quamdiu vivo teneo, et post mortem meam teneat uxor mea, et post morte sua sancti Salvatoris et sanctæ Fide remaneat; et in ipsa Aqua Frigida illum boscadgum cum terra. Dono semper investidura sancti Salvatoris et sancte Fidei pro totum istum alodem suprascriptum; et de totum istum alodem quod supra scriptus est omnibus annis quartus de ipsum quartum de istum alodem totum suprascriptum sancti Salvatoris et sanctæ Fidei fiat redditurus in comunia. Iste alodus suprascriptus in tale racione sancti Salvatoris et /147/ sancte Fidei remaneat, sicut hic est scriptus ut si homo de comunia tulerit aut abba aut rectores ipsi loci, veniat unus de propinquis meis et ponat super altare sancti Salvatoris solidos i et accipiat totum alodem.
Facta carta donatione ista in mense aprili, sub die mercoris, regnante Rodberto rege. — S. Hugone et uxore sua Stephana qui carta ista firmaverunt et scribere rogaverunt. S. Bernardo, Deusdet, Guarnerio, vel Aldejerio. — Donadeus scripsit.