/152/
176. De Calmelio Caldo.
Av. 1031-1065.
In nomine domini ac Dei nostri. Loco sacro sancte Dei æcclesiæ qui est situs in pago Ruthenico et qui est consecratus in honore et reverentia domini et salvatoris nostri Jhesu Christi, ubi beata virgo et martir Fides tumulata quiescit, ubi nunc /153/ venerabilis Odolricus abha præesse videtur. Ego Guaidrada, propter reverenciam loci illius sancti et propter animam Willelmi de illa Rocha viri mei et filiorum meorum Petri, Adalberti et propter animam meam, cedo et dono ad ipsum monasterium et ad monachos ejusdem loci illum meum mansum de Calmelio Caldo quem michi pater meus Aimardus dedit et fratres mei Rigualdus et Poncius; et est ipse mansus in pago Arvernico. Totum quantum ad ipsum mansum aspicit vel aspicere videtur, totum et abintegrum dono sancto Salvatori et sanctæ Fidi. Si ego, inmutata voluntate mea, aut aliquis ex parentibus meis aut ulla amissa persona contra donationem istam aliquam calumpniam jenerare voluerit, hoc ei non liceat facere.