/155/
180. De Castaniario.
997-1031, juin.
Locum sacrum sanctæ Dei ecclesie qui est constructus in honore domini nostri Jhesu Christi et sancti Salvatoris Conchas monasterii, ubi sanctus Vincencius et sancta Fides tumulati consistunt. Ob hoc igitur nos enim, in Dei nomine, Girbertus et fratres mei Giraldus et Bernardus et Airadus cedimus vel donamus, prompto animo vel bona voluntate, ad ipsa casa Dei jam supradicta, hoc est alodus noster quæ nobis per originem parentorum justissime obvenit, hoc est unus mansus in Castaniario ubi Bernardus visus est manere, cum pratis, ortis, cum quantum ad ipsum mansum aspicit vel aspicere videtur; et in alio loco, illo manso de Pratomelio ubi Girbernus visus est manere, cum pratis, cum ortis, cum exeo et regresso, quantum ad ipsum mansum aspicit vel aspicere videtur; et in alio loco, in Necterio Vilaro, uno manso ubi Geraldus visus est manere, cum pratis, cum exeo et regresso, quantum ad ipsum mansum aspicit vel aspicere videtur; et in ipso loco, alio manso ubi Ermenrigus visus est manere, quantum ad ipsum mansum aspicit vel aspicere videtur, totum cedimus vel donamus ad ipsa casa Dei jam supradicta, ita ut post hunc diem habeatis, teneatis, possideatis; et in alio loco, in Rogerio, una medietate de illa vinea, hoc sunt duas /156/ denariatas → Gloss. denariatas cedimus vel donamus ad ipsa casa Dei jam supradicta. Istum alodem jam supradictum cedimus vel donamus sancti Salvatoris et sanctæ Fidei, sine ullo contradicente in omnibus sane. Si quis nos, inmutatas voluntates nostras aut ullus de heredibus vel propinquis nostris qui contra carta donacione ista ulla causa aut calumpnia jenerare voluerit, hoc ei non liceat facere, sed faciat quod lex est.
Facta carta donacione ista sub die sabbato, in mense junio, regnante Rodberto rege. — S. Girberto et fratres suos qui carta donacione ista scribere vel adfirmare rogaverunt. S. Ebrardo, Amelio, Bernardo, Abono, vel Hugono. — Oddo scripsit.