/156/
181. De Veselo.
Vers 1019, mars.
Locum domino Deo necnon et sancti Salvatoris Conchas monasterii, ubi sancta Fides tumulata consistit. Quamobrem ego, in Dei nomen, Hictor filius Geraldi non solum vendo sed et dono sancti Salvatoris et beatissime Fidis, necnon et a domno Adalgerio abbate Conchacensis cenobii, cuncteque caterve fratrum ibidem Deo famulancium tota illa mea partæ de illa vinea de Vasello que ego habeo cum Rigualdo fratre meo, totum et ab integrum illa medietate de illa mea villa sancti Salvatoris et beate Fides dimitto, pro remedium anime meæ et patris mei Geraldi et matris; accepi etenim de ipso abbate Adalgerio supra nominato monachisque suis in precio, hoc sunt solidi septingenti xxx de Lemoticanos; et ut filium meum accipiant monachum in ipso monasterio Conchas pro ipsum alodem jamdictum. Et si ullus homo ipsum alodem de comunia → Gloss. comunia sancti Salvatoris et ipsius virginis Fidis, abbati monachorumque ejus cenobio Conchensis commorantibus tollere voluerit, fiat excomunicatus et anathematizatus, et cum Datan et Abiron Judeque traditore in inferni barathro dimersus. Si quis igitur ego, inmutata voluntate mea, aut ullus de heredibus vel propinquis meis aut ulla amissa persona contra hanc cartam donacionemque et vendicionem istam ulla calumpnia generare voluerit, hoc ei non liceat facere.
Facta carta donacione ista in mense marcio, feria septima, regnante Rodberto rege. — Petrus monachus scripsit.