/157/
182. Balvinlar.
937, avril.
Locum sacrum sancta Dei æcclesia qui est constructus in honore domini nostri Jhesu Christi et sancti Salvatoris seu genitricis ejus et sancti Petri clavigeri, hubi sanctus Vincencius et sancta Fides gloriosissime conditi sunt, super alveum Dordonis in loco quæ vocatur Conchas. Venit predictus homo nomen Adraldus et donat unum mansum cum mansiones, cum curtes et ortos, cum vineas et pratos, cum boscos, cum terras cultas et incultas, et quantum ibi visus sum abere vel possidere, quistum → Gloss. quistum et adinquirendum est, totum et ab integrum dono sancti Salvatoris et sancti Petri vel sancta Fide, ut omni tempore illum fructum vel illum censum que de illo alode exierit vendant bajuli → Gloss. bajuli, et prehendant ceram et inluminent ipsos sanctos jam suprascriptos. Et est ipse alodus in pago Ruthenico, in vicaria Serniacense in loco quæ vocatur Balle Vilaro; et habet in se fines vel confrontaciones.... quistum vel ad inquirendum est. In tale racione dono istum alodem suprascriptum ad ipsos sanctos ut rimedium donent michi in die exitus mei de isto sæculo. Et si ullus abba vel ullus clericus sive laicus donare vel vendere aut inquietare præsumpserit, semper a communione privetur, et cum Datan et Abiron vel satellitibus eorum participetur; etiam dominus sanctus Salvator vel sanctus Petrus et sancta Fides eum excomunicentur et maledicant sine fine ex oc nunc et in sæcula sæculorum, sane. Si quis ego, inmutata voluntate mea, aut ullus de heredibus vel propinquis meis aut ulla amissa persona qui contra carta donacione ista ulla calumpnia jenerare præsumpserit, hoc ei non liceat facere, sed faciat sicut lex est.
Facta carta donacione ista die mercoris, in mense aprelio, anno i regnante Lodovico rege. — S. Adraldo qui carta donacione ista scribere vel adfirmarerogavit. S. Faraldo, Adraldo, Hugono, et Gauzfredo, vel Deusdet. — Rodbertus scripsit.