/211/
255. De Condado.
997-1030, octobre.
Locum sacrum sanctæ Dei æcclesiæ qui est constructus in honore domini nostri Jhesu Christi et sancti Salvatoris ubi sancta Fides et sanctus Vincencius tumulati consistunt. Quamobrem ego enim, in Dei nomen, Rodlendis cedo et vendo sancti Salvatoris et sancte Fide illo alode meo de Condado quæ michi per conquistum obvenit, hoc sunt mansi tres et unus caput mansus, cum pratis, cum vineas, cum boscos, cum terras cultas et incultas. Quantum ad ipsum alodem pertinet, totum et abintegrum vendo sancti Salvatoris et sanctæ Fide; et accepi precium de monachos sancti Saivatoris et sancte Fide, hoc sunt solidi centum.
Facta carta feria iiii, in mense octobri, regnante Rodberto rege. — Et si ullus homo istum alodem de comunia tolere voluerit, veniat unus de propinquis meis et ponat super altare sancti Salvatoris denarios iiii et accipiat ipsum alodem. — S. Rodlendis qui carta donatione ista scribere vel adfirmare rogavit. S. Bernoinis filia Rodlendis, Ajalberto marito Bernoinis, Johanni. — Oddo monacus rogatus scripsit.