/212/
256. Marciliacus.
1061-1065, avril.
In conscribendis donacionibus iste ordo servandus est, ut prius intimetur nomen donatoris, deinde res quas ab ipso donatur. Quamobrem ego Geraldus de Bruisago et filius meus Deusdet donamus sancto Salvatori de Conchas et sancte Fidei virginis et monachis ibidem Deo servientibus illum nostrum alodum et villam quæ vocatur Marciliacus, cum quantum intra fines istius alodi concluditur; et accepimus ab abbate Odolrico et ab ipsis monachis solidos centum triginta de denarios Raimundencos, et similiter hunc ipsum alodem pro animabus nostris et parentum nostrorum. Est autem ipsa villa in pago Ruthenico, in parrochia de Brogme, et in vicaria de Barrense; et debet censum: solidos xii de denarios Pojesos et sex multones → Gloss. multones et sex agnos, et quartum in dominio, et vesticionem in dominio, et vicariam quæ de patre meo Deusdet acaptavit Petrus de Trunnago, cum convenientia quod ipsam vicariam non donet nec vendat nec ipse nec filii sui nec filii eorum, nisi ad patrem meum aut ad ipsos cui pater meus aut ego donaverimus, quicquid autem in ipsa villa juste possidet ipse aut filii sui per manus abbatis de Conchas et monachis ejusdem loci accipiant. Si autem abbas de Conchas hunc alodum vendiderit aut donaverit, nisi per concambium valentem de terra, donent filii mei c solidos Raimundencos et accipiant ipsum alodem.
S. Geraldi et filii ejus Deusdet qui cartam istam scribere et firmare jusserunt, in mense aprilio, regnante Philippo rege. — S. Arleni, Bernardi Begoni. — Poncius scripsit.