/253/
324. De Serniago.
970, février.
Locum sacrum sancta Dei æcclesia qui est constructus super /254/ alveum Dordonis, in honore domini nostri Jhesu Christi seu sancti Salvatoris Conchas monasterii, ubi sancta Fides vel sanctus Vincentius tumulati consistunt, unde domnus Stephanus episcopus et Hugo abba rectores esse videntur. Ego enim Rainaldus cedo vel dono ad ipsa casa Dei aliquis de rebus proprietatis meæ qui michi per conquistum obvenit, hoc est unus caput mansus, cum mansione et orto et vinea, quantum ibi visus sum habere vel possidere totum et abintegrum ibi dono vel cedo. Et est ipse alodus in pago Ruthenico, in vicaria Montiniacense, in loco quæ vocatur Serniago; et habet ipse alodus in se fines vel confrontaciones: de duas partes terra sancti Salvatoris, et de alias duas strata puplica; quantum infra istas fines concluditur, totum et abintegrum cedo vel dono ad ipsa casa Dei jam supradicta, pro remedium anime meæ, sine ullo contradicente in omnibus sane. Si quis ego, inmutata voluntate mea, aut ullus de heredibus vel propinquis meis qui contra anc cartam ulla calumpnia jenerare presumpserit, hoc ei non liceat facere, sed faciat sicut lex est. Facta carta donatione ista sub die lunis in mense febroario, anno xvi regnante Lotario rege. — S. Rainaldo qui carta donatione ista scribere vel adfirmare rogavit. S. Ragambaldo, Aldebaldo Arlando, Bernardo, Gualtado. — Rodbertus scripsit.