/265/
340. De Ferrariense.
961, juin.
In nomine Domini ac Dei nostri. Locum sacrum qui est situs in pago Ruthenico, in honore et reverentia domini et salvatoris nostri Jhesu Christi et reliquiis ejus deligatis seu et sancta Maria matris ejus et ex reliquiis beati Petri principis apostolorum, ubi sanctus Vincentius et sancta Fides tumulati requiescunt, cujus vocabulum est Conchas, et sociis eorum qui in eodem domicilio conectuntur, qui est situs in pago Ruthenico, in ministerio Ferrariense, super fluvium Dordone, ubi Stephanus episcopus et Bego episcopus et Hugo abba preesse videntur, una cum monachis ibi Deo servientibus. Igitur ego, in Dei nomen, Guitbertus sacerdus cedo vel dono a supra jamdicta casa Dei vel ad rectores loci illius qui ibidem Deo deserviunt vel alios qui servituri sunt, hos est caput mansus qui michi per conquistum → Gloss. conquistum obvenit. Et est ipse caput mansus in pago Ruthenico, in ministerio Montiniacense, in villa cujus vocabulum est Serra; et habet ipse caput mansus fines in se vel confrontaciones: de superiore latus strata puplica, et de alio latus terra sancti Salvatoris, de tercio latus vinea Arcimbaldo, et de subteriore latus rivo currente. Quantum infra istas fines concluditur, totum et abintegrum cedo vel dono ad ipsa casa Dei jamdicta, pro anima mea et pro anima Gauzfredi et Adalgrimi et Willelmi et Raingardane, ut Deus omnipotens nobis ad judicium concedere dignetur. In eadem vero racione hoc facio, quamdiu ego vivo, teneam et possideam, et dono vestidura uno modi de vino per singulos annos. Licentiam vero nec potestatem non habeant nec ullus abba nec ulli monachi nec vendere nec concambiare nec beneficiare nec in feo donare, licentiam non habeat ad faciendum; et quicumque facere voluerit, auferet Deus partem illius de libro vite et cum Datan et Habiron in infernum inferiori participationem habeat, et si aliter fecerint, recipiat Bego in opus suum. Si quis ego, inmutata voluntate mea aut ullus de heredibus meis vel propinquis aut ullus homo per ullo quoque injenio qui contra carta donatione ista ire aut agere vel inquietare voluerit, hoc ei non liceat facere; si quis hoc /266/ facere voluerit, faciad quod lex est et hac carta firma permaneat.
Facta carta cessio ista sub die veneris, in mense junio, anno vii, regnante Loterio rege. — S. Guilberto presbytero qui carta donatione ista scribere vel adfirmare rogavit. S. Isalgado, Sigerio, Girardo, Hugoni, Salustrino, Aldegerius, Rigualdo.