/291/
394. De Molendino Piscino.
Vers 1019.
Ego enim, in Dei nomen, Hicterius filius Stephani et Cristine vendo sancto Salvatoris et sancte Fidis vicaria de villa que dicitur Molendino Piscino; et aprehendo precium solidos centum sexaginta de abbate Adalgerio; et si ego Hicterius in villa Molendino Pizino ullum malum usum mittebam aut ullam malam tultam → Gloss. tultam faciebam aut ego aut ullus homo per me, excepto recepto aut decem solidos per receptum et opera ad castellum de Aurosa, dono in pignora sancto Salvatori et sancte Fidi illum meum decimum de villa de Olliado, in talia ratione ut, si ego infra quadraginta dies, postquam abbas me commonuerit per se aut per suum missum, emendatum non habuero ad ipsos clamatores sine forcia, teneat ipse abbas et monachi sancte Fidis suprascriptum decimum, tamdiu usque ego emendatum habeam aut ipsi monachi de ipsum decimum benevalentem emendam aprehensam habeant; et ego ipse Hicterius, post mortem meam aut si me monachum misero, dono sancto Salvatori, et sancte Fidi, pro anima mea, ipsum meum supra scriptum /292/ decimum de Olliado; et accipio ab ipso abbate Adalgerio centum solidos de Pogesos. Et post mortem meam, si ullus homo est aut femina qui ipsam vigariam de Molendino Pizino ad monachos forciet aut tollat, dono in pignora sancto Salvatori et sancte Fidei illos x et viii solidos de Olliado qui sunt per carrigium de vino, in tali convenientia ut ipsos denarios per carrigium ipsi monachi tamdiu teneant usque ipsam vicariam quietam et stabilem habeant.
S. Hicterii qui carta ista scribere rogavit. S. Stephani, Rodberti, Johanni, Petroni, Rodberti Stephani. — Rodbertus scripsit.