/311/
423. De Albiniago.
975, septembre.
Locum sacrum sancta Dei ecclesia qui est constructa super alveum Dordonis cujus vocabulum est Conchas, ubi sancta Fides vel sanctus Vincentius tumulati consistunt. Venerunt Iscafredus, Hictor, Willelmus, Adalgerius, Guinarandus, Stephanus presbyter, elemosinari Hictoriane ad locum suprascriptum, donaverunt pro anima ejus hunum mansum; et est ipse mansus in aice → Gloss. aice Roceznacense, in loco que vocatur Albiniago, ubi Richirandus visus est manere; et habet ipse alodus fines vel confrontationes: de tres partes terra Umberto, de quarto latus terra Raingardis. Quantum ad ipsum mansum aspicit, totum et abintegrum donamus ad ipsa casa Dei, pro anima ejus, sine ullo contradicente in omnibus sane. Si quis nos, inmutatas voluntates nostras, aut ullus de heredibus vel propinquis nostris aut ulla amissa persona qui contra carta donatione ista ulla calumpnia jenerare præsumpserit, hoc ei non liceat facere, sed faciat sicut lex est.
Facta carta donatione ista sub die jovis, in mense septimbrio, anno xxi regnante Lotario rege. — S. Hictorii, Iscafredo, Willelmo, Adalgerio, Guinarando, Stephano qui carta donatione ista scribere vel adfirmare rogaverunt. S. Umberto, Addraldo, Hictorii Regibaldo, Bladino. — In Dei nomine, Rodbertus scripsit.