/316/
432.
934 ou 935.
Locum sacrum sancte Dei æcclesise qui est situs in pago Ruthenico super alveum Dordonis, et est fundatus in honore domini nostri Jhesu Christi seu sanctæ Marie virginis et sancti Petri principis apostolorum necnon et clavigeri, ubi sanctus Vincentius et sancta Fides tumulati consistunt. Quamobrem ego, in Dei nomine, Niguarius monachus cedo ad prephato monasterio cujus vocabulum est Conchas, ubi Jhoannes abba preesse videtur cum cuncta congregatione ibidem Deo famulantes, cedo res meas quæ mihi justissime debitum est et in perpetuum cessum permaneat, hoc est mansus meus qui mihi justissime ex parentorum obvenit, ubi Ingelgarius visus est manere, cum curte et orto, cum exeo et /317/ regresso, cum terras cultas et incultas, cum pratis, pascuis vel cum omnibus ajacenciis suis vel quantumcumque hodie ad ipsum mansum aspicit vel aspicere videtur vel quantumcumque in ipso loco visus sum habere vel possidere, quistum → Gloss. quistum vel adinquirendum est, totum et abintegrum cedo ad ipsa casa Dei jamdicta vel ad ipso rectore seu ad ipsos Deo servientes, pro anime mee remedium et pro anima jenitore meo Adalgrimo et jenitrice mea Teudlinde nec non et pro anima fratris mei Benjamin, ut Deus omnipotens veniam nobis ad judicium concedere dignetur; eadem vero racione ut, quamdiu ego vivo, usum et fructum michi reservo, post quoque obitum meum ad fratrem meum Benjamin remaneat, et post quoque obitum nostrorum amborum ad unum nostrum amicum quem nos melius elegerimus remaneat, et post illius obitum ad ipsa jamdicta casa Dei vel ad ipso abbate seu ad ipsos Deo servientes remaneat, sine ullo contradicente sane. Si quis ego, inmutata voluntate mea, aut ullus heres meus vel propincus aut ulla amissa vel subrogata persona qui contra hanc carta donatione ista ire aut ulla calumpnia jenerare voluerit, nullatenus vindicet, sed insuper componat ad ipsa jam dicta casa Dei vel ad ipso rectore seu ad ipsos Deo servientes tantum et alium tantum quantum ipse mansus eo tempore melioratus valere potuerit in duplum sit redditurus et quod petit non vindicet, sed presens cessio ista inviolabilem obtineat firmitatem.
Facta carta cessione ista die jovis, in mense.., anno vi regnante Rodulfo rege. — S. Niguario qui carta cessione ista scribere vel adfirmare rogavit. S. Bernardo, Garifredo, alio Bernardo, Adalgrimo.