/342/
472. Ronsasyalz.
1100-1114.
In nomine sanctæ et individuae Trinitatis. Ego Sancius comes de Erro, pro salute et redempcione animæ meæ, patris et matris et uxoris mee et omnium parentum meorum, dono Deo et sancte /343/ Fidi gloriose virgini de Conchis ecclesiam et elemosinariam de Ronzasvalz et furnum et molendinum, et illam meam hereditatem totam quam habeo in Murello, et illam similiter quam habeo in Waldo cum omnibus terminis et adjacenciis suis, et illam meam vineam de Janeriz. Dono etiam ibi ad servicium monachorum et pauperum duos covillos → Gloss. covillos de vaccas. Et post mortem meam dono et ab integro totam ipsam villam de Ronzasvalz Deo et sancte Fidi cum omnibus terminis et adjacenciis suis, pro redemptione animæ meæ et omnium parentorum meorum. Hoc autem facio cum auctoritate domni Petri Pampilonensis episcopi et clericorum suorum, in presencia domni Poncii Barbastrensis episcopi qui hoc acaptavit ad opus sancte Fidis et monachorum et pauperum. Signum domni Sancii comitis qui hanc cartam fieri jussit. S. domni Poncii episcopi.