/345/
475. De Bains.
1105.
In nomine sanctæ et individuae Trinitatis. Ego Poncius vice comes et uxor mea Elisabeth et Armannus meus filius, cum consilio et auctoritate domni Poncii episcopi et Poncii Mauricii abbatis, pro redemptione meæ animæ et parentum meorum, dono ecclesiam de Bains cum sepultura → Gloss. decima → Gloss. offerentiam → Gloss. sepultura et decima et offerentiam sancto Salvatori et sancte Fidei et domino abbati Begoni atque monachis Deo servientibus in monasterio Conquas presentibus et futuris; ideo ut si omnipotens Deus et sancta Fides michi vel filiis meis voluntatem efficiendi monachum dederit, abbas et monachi qui tunc ibi erunt me vel filios meos cum melioratione quam eis vellem facere accipere debent.
Facta carta ista anno millesimo centesimo quinto ab incarnatione Domini, in mense decembri, feria vi, luna xxviii, regnante Philippo rege Francorum. — S. Willelmi delz Tornz. S. Petri Radulfi. S. Petri Petuna. S. Adalardi. S. Geraldi sacriste. — Geraldus scripsit in Podio sanctæ Mariæ.