/362/
502. De Castelleto.
1097-1106.
In nomine sancte et individue Trinitatis totum sc. notum totum sit omnibus sanctæ Dei æcclesiæ filiis præsentibus et futuris quod ego Hugo Dei gratia Lugdunensis archiepiscopus dono Deo et sancte Fidis de Conchis, Begoni abbati et successoribus ejus et fratribus monasterii ipsius æcclesiam sancte Fidei de Castelleto et æcclesam sancti Victoris cum apenditiis suis, quam præphata æcclesia dividit Liger fluvius, sub annuali censu octo solidorum quorum medietas solvetur in festivitate sancti Martini, medietas vero in purificatione sancte Mariæ, retentis sinodo et paratis, secundum morem aliarum æcclesiarum, et obedientia exibenda tam nobis et successoribus nostris quam et archipresbiteris nostris. Facta /363/ est donatio hæc Lugduni in domo nostra episcopali, consilio canonicorum nostrorum Bladini decani, Arberti archidiaconi, Guerini capellani nostri. Et ut hec donatio firma permaneat, sigillo proprio subter firmavimus, et testibus corroborandam tradimus. S. Bladini. S. Arberti. S. Gerini Calvi. S. Gerini capellani nostri. S. Rostanni Serlot. S. Fulcherii. S. Geraldi. S. Pontii. — Ego Ugo ad vicem cancellarii scripsi et subscripsi.