/371/
522. [De Horsam.]
Aprés 1121.
Ebrardus dei gratia Norwicensis episcopus dilecto in Christo fratri Bonifacio venerabili Conchensi abbati salutem et benedictionem. Manifestum nobis satis est quod beatæ memorise Herbertus Norwicensis episcopus, antecessor noster, ecclesiam de Horsam cum suis pertinenciis et cetera, quæ Rotbertus filius Walteri, cum astipulatione domini Henrici regis Anglorum et Stephani comitis ejusdem regis nepotis, pro redemptione animæ suæ, Deo et sancte Fidi Conchensi concessit, ipse auctoritate sua confirmavit et pro mercede sua cunctis fidelibus illuc ad festum martirii beatæ Fidis concurrentibus et oblationem suam ibi facientibus de penitenciis sibi injunctis et dies condonavit et auctoritate sua corroboravit. Nos igitur, pro amore ejusdem sancte virginis et propria vestra instanti petitione, omnem supradictam donationem ad honorem Dei et profectum vestri monasterii concedimus et perpetuo confirmamus, adicientes ut quicunque Dei fideles ad festum illationis /372/ beatæ Fidis, quod celebratur feria v infra octabas paschæ usque ad aliam feriam v idus usque ad octabas ejusdem festi, illuc concurrerint et de bonis suis illic helemosinas fecerint, remedium et indulgentiam de acceptis penitenciis xxiiii dies habeant. Hoc vero consilio fratrum nostrorum et archidiaconorum fecimus, ut Deus per meritum ejusdem gloriose martiris dignetur nobis semper esse propicius. Hujus concessionis testes sunt: Ingulfus prior, Rogerus et Willelmo archidiaconi, Willelmus Turbo et cœteri fratres.