/380/
538. [De ecclesia de Afragnio sive Vauro.]
1060-1065, novembre.
A primo nempe exordio catholice Christi æcclesie de propriis facultatibus ac donationibus ditantur et personam donatoris deinde res que donantur oportet subtitulari. Idcirco ego Willelmus et frater meus Petrus et filii nostri Raimondus et Hisarnus et Guilabertus et Bernardus et Petrus et Ugo cedimus et donamus sancto Salvatori de Conchas et sancte Fidi et abbati Odolrico et monachis ejusdem loci tam præsentibus quam futuris illam nostram æcclesiam quæ vocatur Afragnio sive Vauro, que olim consecrata est in honore sancti Christofori, cum toto alode quæ ad ipsam æcclesiam pertinet. Est ipsa enim æcclesia in pago /381/ Tolosano. Istam ecclesiam supra scriptam, sicut jam dictum est, pro salute animæ nostræ et omnium parentum nostrorum, et cum consilio Willelmi comitis et domni Duranti episcopi Tolosensis et consilio nostrorum militum Bernardi Malamusca et Bernardi Gamalberti et filiorum ejus Petri Bernardi et Poncii Berengarii et Atonis Geraldi, cedimus et donamus prædicto monasterio de Conchas et monachis ejusdem loci, sine ullo contradicente. Et facimus convenientiam abbati Odolrico de Conchas ut in alodio de castello de Vauro alicui sancto non donemus licentiam faciendi salvetatem → Gloss. salvetatem nisi prædicto abbati Odolrico et monachis de Conchas. Laudamus et confirmamus donationem quam faciunt milites nostri de corporibus suis et de uxoribus suis et de filiis suis et de omni progenie sua ut in alio loco non sepeliantur nisi in prædicta salvetate propter amore sanctæ Fidis.
Facta carta ista in mense novimbrio, feria v, regnante Philipo Francorum rege. — S. Willelmus et Petrus frater ejus qui cartam istam scribere vel firmare rogaverunt. — Ego Ato Geraldus et Berengarius et Willelmus Bernardus et Bernardus Malamosca et Bernardus Gamalbertus donamus et laudamus istum alodem suprascriptum. — Johannes monachus scripsit.
Ego Willelmus et uxor mea Berta et filii nostri Baimondus et Isarnus et Guilabertus et Bernardus et Petrus et Hugo donamus et absolvimus filios et filias Grimaldi sancto Salvatori de Conchas et sanctæ Fidi et abbati Odolrico et monachis de Conchas bona fide.