/393/
561. Ceped.
Aprés 1112, 25 mars.
In nomine domini nostri Jhesu Christi. Ego Petrus de Sancto Ciricio et fratres mei Bernardus et Willelmus conveniemus nos ut essemus monachi ad sanctam Fidem. Primitus ego Petrus de Sancto Cirico laudavi me monacum facere, qui dedi honorem quem habebam in parrochia sancte Marie de Cepet, totam et integram quem possidebamus cum essemus fratres, dono ego ad sanctam Fidem et a domno abbate Bonifacio et a domnis monachis qui ibi sunt nec futuri erunt. Adjacencia ejus honoris est que dicitur a molino Jordanis usque in Cabdiner, et in alia parte de Brugeiras usque in villa que dicitur Sancta Cruce. Et si /394/ Bernardus vel tantum Villelmus volunt esse monachi, cum honore que supra perlata est et cum alia magis pecunia facere debent. Istum prædictum honorem dedit Petrus et Villelmus et Bernardus franca, sine ulla reteguda, exceptis his verbis ut essent monachi cum magis dent pecuniam.
Facta carta viii kalendas aprili, feria iii, regnante Lodoico rege Francorum, Ildefosso comite Tolose, Amelio episcopo sedem episcopalem. — Et nos testes: Pontius, Raimundus, Pontius Berengarius, Arnaldus Raimundus, Pontius Ademari, Pontius de Velaiga, Calvet Rotbert, Bernardus de Albaroca, Arnaldus monachus, qui viderunt et testes sunt.