/393/
5601. Malavilla.
1099-1144.
Ego Ill... et Ill... ad honorem Dei et sanctæ Dei genitricis ejus Mariæ et beati Petri apostolorum principis, commonente et suadente domino Adimaro Ruthenensi episcopo, cum consilio militum de castro Male Villæ, pro redemptione animæ meæ et parentum meorum, promitto domino Deo et beato Petro quod ad dampnum alicujus xxx æcclesiasticos passus circa hanc æcclesiam beati Petri non infringam neque aliqua persona per meam voluntatem; et si aliqua persona infringerit, cum illa pacem et amiciciam quoadusque emendet non habebo; et hanc promissionem meam super hoc altare propria manu jurejurando firmo. Et mansum del Castan et terras de Vernouil quas in partem suam Raines de Belveder habebat, sicut ipse Raines Deo et beato Petro manumisit in morte sua, ego Stephanus de Malavilla et Hugo de illa Rocha ipsi æcclesiæ beati Petri, pro amore Dei et animarum nostrarum remedio, liberum omnino et quietum dimisimus.
[Nota a pag. 393]
1. Le parchemin a été lavé et gratté entre les numéros 84 et 85 et les numéros 560 et 561 ont été intercalés. Torna al testo ↑