/6/
5. Carta de æcclesia Leviniago.
924, mars.
Antiqua ratio deposcit et lex auctoritas declarat ut qualis cunque homo res suas in alteriis personas transferre voluerit profiteatur rem tantum cessisse, quare cessio sola sufficit sine gestorum alegegatione in omnibus obtineat firmitatem. Quamobrem ego igitur, in Dei nomen, Senegundis venit michi in animo vel bene volentie meæ quæ circe partibus Fredolone filio meo abba cedere vel condonare voluerit, quod ita et fecit. Propterea cedo tibi curte mea cujus vocabulum est Leviniago cum casa dominicaria, cum æcclesia qui est fundata in honore Dei et sancti /7/ Adriani, seu et cum ipsas villas ibidem pertinentes: Prolus in integrum, Mesyoleso in integrum, Idocius in integrum, Brancolus in integrum, Ermitos in integrum, Saucarias in integrum, manso ad illo Porto in integrum, Vuorgius in integrum, Noatagio in integrum, Mercoriolo in integrum, quantumcunque in ista curte seut: sive seut in istas villas seut et mansis visa sum habere vel possidere, totum et abintegrum tibi dono vel cedo, cum domnibus, edificiis seut et vineis, cum terris cultis et incultis, cum pratis, pascuis, silvis, garicis → Gloss. quæsitum → Gloss. garicis, aquis aquarumve decursibus, exeo vel regresso, quæsitum vel adinquirendum est, omnia et ex omnia tibi dono vel cedo; in eadem vero rationem, ut dum ego vivo, fructuarium michi reservo, et post obitum quoque discessum meum, cum Dominus voluerit, in tua jure permaneat potestas ad faciendum, dum vivis, vendere neque alienare non te permittas, et post obitum quoque discessum tuum, cum Dominus voluerit, dominus noster Jhesus Christus et sanctus Salvator, cujus altarius dedicatus est in monasterio quæ vocatur Concas, ista cessione teneat et possideat ad stipendia monachorum fratrum, pro anima meæ que mihi Dominus veniam nobis parare dignetur vel pro anima filio meo Fredolone et pro anima genitori meo Warmario et genitrice mea Folcradanse vel pro anima viro meo Amblardo sive Jorio et pro animas filiorum meorum Stephano, Bernardo, Adalgario sive Jorio. Et si fuerit abba aut ulla potestas tirannica qui in potestate laicorum donare vel cedere voluerit, potestatem non habeo, sed omnibus diebus vite meæ usque ad consummationem saeculi ad stipendia monachorum perdurare faciat. De repeticione vero dico, quod fuerit minime credo, quod si ego mutato more aut voluntate mea, aut ulli de heredibus vel propinquis meis ullus veniens homo aut ulla anima vel subrogata persona qui contra carta cessionis aliquid facere vel quietare presumpserit, oc ei non liceat vindicare, sed insuper componat vobis tantum et alium tantum quantum ipsas res eo tempore melioratas valere potuerint in duplum sit vobis rediturus et coactus exolvat et quod petit non vindicet.
Sed presens facta carta cessione ista, in mense martio, anno xxvi regnante Karlo rege. — S. Senegundis qui carta cessione ista scribere vel adfirmare rogavit. S. Aicfredo. S. Berengario. /8/ S. Bonefatio. S. Bernardo. S. Ectore. S. Geroardo. S. alio Aicfredo. — In Christi nomine, Rodgarius levita → Gloss. levita rogitus scripsit.