/55/
56. A de Podio Palenoso.
1061-1108, 30 juin.
In conscribendis donationibus primitus intromittendi sunt heredes nominatim, deinde hereditas quæ donatur, postremo sancti quorum intercessionibus datores cupiunt se adjuvari. Quocirca ego Ebrardus de Castello Pelagrua vocato et uxor mea nomine Taris et infantes nostri, metuentes gehennae supplicium et misericordis Dei expectantes remedium, donamus, pro animabus nostris et parentum nostrorum, illum mansum nostrum de Podio Palenoso cum terras cultas et incultas, cedimus et donamus et firmamus ad jamdicto altare sancti Salvatoris de Conchas et sanctæ Fidei virginis et ceteris sanctis quorum reliquiae ibi venerari videntur. Donamus etiam ad ipsum locum quantum nos et consanguinei nostri ibi accrescere voluerimus et quantum ipsi monachi cum nostro consilio ibi adquirere potuerint de hodie in antea. Hoc totum, sicut scriptum est, donamus sancto Salvatori de Conchis et sanctæ Fidei virginis et sanctis ejusdem loci, et abbatibus et monachis ibidem habitantibus qui præsentes sunt et futuri, ita ut ab hac die licitum et quietum habeant, teneant et possideant in omnibus sane. Est igitur iste alodus in pago Petragorico, in parrochia æcclesiæ sancti Petri apostoli de Carcennago.
/56/ Scripta est hæc carta ultimo mensis junii die, feria iiii, regnante Phylippo Francorum rege. — S. Ebrardi et uxoris ejus filiorumque illorum qui cartam istam firmaverunt et firmare fecerunt. S. Theiferii. S. Arnulfi. S. Bernardi. S. Raterii. S. Audgerii. — Johannes monachus scripsit.