/60/
61. Æcclesia de Tauriaco.
Vers 1087, novembre.
In nomine domini nostri Jhesu Christi. Ego Solempnia et filii mei Grimaldus, Droitandus et Raimundus et Geraldus, pro redemptione animarum nostrarum, domino Deo et sancto Salvatori et sanctæ Fidi de Conchis, et abbati Begoni et monachis qui in eodem Concensi monasterio sunt et futuri sunt concedimus et donamus ecclesiam nostram quæ vocatur Tauriacus ad alodium, et totum decimum → Gloss. decimum et preshyterum et ejus servicium, et totam salvetatem sicut Arnulfus monachus et Poncius Raino nobis præsentibus determinaverunt. Hoc totum suprascriptum donamus sancto Salvatori et sanctæ Fidi sine ulla retinentia. Et ego Solempnia in eadem salvetate accipio de manu prædicti abbatis duas mansiones → Gloss. mansiones, unam quamque octo brachiorum longitudinis et quatuor latitudinis.
Scripta carta ista mense novimbri, feria vii, regnante Phylippo Francorum rege. — S. Solempnie et filiorum ejus qui hanc donationem fecerunt. S. Isarni episcopi Tolosani. S. Willelmi comitis. S. Poncii Rainoni. S. Hugoni Chiadgerii. S. Attonis Jhoannis. — Bego scripsit.