Desjardins

/74/

78. Item de eadem.

1075.

In Christi nomine. Haec est carta guarpitoria qua evacuavit et guarpivit → Gloss. guarpivit Poncius prolis Isarni de villa Fluirans et Raimundus filius ejus et uxor sua et filii sui, id est Bernardus et Hermengandus, de ipsis æcclesiis de Lecheirag et de Casalo. Supradictus autem Poncius et supradictus filius ejus et uxor sua et filii sui supradicti dimiserunt et evacuaverunt preveiril → Gloss. æcclesiasticum → Gloss. primiciis → Gloss. cimiterium → Gloss.j offerendas → Gloss. preveiril et æcclesiasticum prædictarum ecclesiarum, cum ipsis terris et vineis et primiciis, et evacuaverunt cimiterium et offerendas et medietatem de ipso decimo ad ipsas æcclesias pertinente, propter amorem Dei et propter remedium animarum eorum, ut Deus suam misericordiam illis faciat in vita et in morte. Hanc vero evacuationem fecerunt prædictus Poncius et prædictus filius ejus et uxor sua ac filii præscripti sancto Salvatori et sanctæ Fidi cujus corpus /75/ humanatum est in locum qui vocatur Conchas, et abbati cunctisque monachis loco præscripto pertinentibus, in tali conventu ut, de ista die in antea, neque abbas neque monachi de prædicto loco sanctæ Fidis valeant donare neque inpignorare neque ullo modo mutare ad damnum sancti Salvatoris et sanctæ Fidis prædictam evacuationem et guarpicionem. Si autem aliquis homo vel femina, quacumque condicione sit, transire voluerit et fecerit, ex parte Dei omnipotentis et sanctæ Mariæ ejus matris omniumque simul sanctorum sit excommunicatus et anathematizatus, et cum Datan et Abiron quos vivos terra obsorbuit sit damnatus, et cum Juda traditore deputatus, usque ad emendationem et satisfactionem veniat. Affrontaciones vero prædictarum ecclesiarum sunt: de oriente in terminio de villa Fluirans, de meridie in villas quæ vocantur Ulmeiras et Herpez, de occiduo autem in villa que vocatur Leuch, de aquilone vero in villas quæ vocantur Cavanags et Vilaldriz et Vila Mauri. Propter istam evacuationem acceperunt Poncius præscriptus ac filius ejus et uxor ejus et filii sui de communia sanctæ Fidis octuaginta solidos de denariis Carcasonæ.

Facta carta ista evacuacionis anno millesimo ab incarnatione Christi septuagesimo v, regnante Phylippo rege. — S. Poncii prolis Isarni. S. Raimundi Poncii et uxoris ejus. S. Bernardi Raimundi. S. Hermengaudi Raimundi, qui istam cartam evacuacionis scribi jusserunt, firmaverunt et testibus firmare rogaverunt. S. Ricardi. S. Poncii Eblonis. S. Petri Eblonis. S. Bernardi Ramnulfi. S. Raimundi Sicfredi. S. Austendi Arnaldi. S. Willelmi Arnaldi. — S. Petri qui istam cartam evacuationis cum litteris ↓ nota cum litteris supra scriptis et rasis rogatus scripsit sub die et anno quo supra.