/128/
144. Item Claugianicas.
910, septembre.
Cum fragilitas humanum jeneris pertimescit ultimum, vita subitana transposicionum ventura oportet ut non inveniat humanum quemque imparatum, ne sine alico boni operis fructum migret de sæculo, sed dum in suo jure et potestate consistit, preparet sibi viam salutis per quam valeat ad internam sc. æternam→ Gloss. internam beatitudinem pervenire. Quamobrem ego Niwarius cedo ad prefato monasterio, ubi Radulfus abba preesse videtur cum cuncta congregacione monachorum ibidem Deo famulantes a sancto Salvatore vel ad sanctam Fidem martirem Christi, cujus vocabulum est Conchas, qui est situs in pago Ruthenico, in vicaria Montinacense, in aro → Gloss. aro quæ vocatur Claujanicas, hoc est vinea mea qui michi per parentorum obvenit. Et habet ipsa vinea fines vel confrontaciones: de superiore latus terra Guirardo, et de alio latus terra Nivario et Gontardo, et de tercio latus strata puplica, et de /129/ subteriore latus vineas Nivario et Gontardo. Quantum infra istas fines concluditur totum et abintegrum cedo ad ipsa casa Dei jamdicta vel ad sanctam Fidem, pro remedium anime meæ seu pro anime jenitore meo Adalgrimo vel jenitrice mea Teulinde qui fuerunt condam, ut Deus omnipotens nobis veniam parare dignetur, et ut illam vocem desiderabilem mereamur audire quam justi audituri erant: « Venite, benedicti patris mei, percipite regnum quod vobis paratum est ab origine mundi. » Sane si quis ego ipse, inmutata voluntate mea, aut ullus de heredibus meis vel propinquis qui contra hanc carta cessione ista ire aut ulla calumpnia jenerare præsumpserit, nullatemus vindicet, sed insuper componat a partibus sanctæ æcclesiæ vel ad ipsos rectores seu ad servientibus tantum et alium tantum quantum ipsa vinea eo tempore meliorata valere potuerit in duplum sit rediturus, et quo petit non vindicet, set presens cessio ista inviolabilem omnique tempore obtineat firmitatem.
Facta carta cessione ista in mense septembrio, anno xii regnante Karolo rege. — S. Niguario qui cessione ista fieri vel adfirmare rogavit.