/173/
204. De monasterio de Bona Valle.
1065-1087.
Sciatur ab omnibus quod Arnaldus Rodoardus dedit domino Deo et sancto Petro et sancte Fidei, et abbati Stephano et monachis sanctæ Fidei tam præsentibus quam futuris et monachis qui habitant et habitabunt in monasterio sancti Petri de Bona Valle, dicens ita: in nomine Domini, ego Arnaldus dono et relinquo domino Deo et sancto Petro et sancte Fidei, et abbati Stephano et monachis sancte Fidei quam presentibus tam futuris et monachis qui habitant et habitabunt in monasterio sancti Petri de Bona Valle omnes malos usus et convenientias et quicquid juste vel injuste habebam vel requirebam in hoc prædicto monasterio et nichil retineo ibi, nisi solum modo gaddium → Gloss. gaddium et penitentiam de illis hominibus qui mansos vel appendarias de parrochia mea tenuerint, hoc est unum denarium pro guaddio et medaculam → Gloss. medaculam pro pænitencia; et si uxor bubulci habitaverit in manso meo, dabit unum denarium pro se et pro illa; hoc habebo de illis qui de aliena parrochia venerint. Si autem de parrochia de Varojol venerint manere homines ad Bonam Vallem et retinuerint mansum vel appendariam de Varojol, de istas solummodo habebo sepulturam, ita ut haberem si starent in parrochia mea. Et propterea quod hoc dedi et reliqui, dedit michi /174/ Stephanus abbas sanctæ Fidei in manso ubi Hugo manet unum modium de vino in uno quoquo anno; et in manso ecclesiastico unum multonem → Gloss. multonem et ii denarios Ruthenenses, et pratale quod Raimundus Eustorgius dedit sancto Petro; illi qui laborabunt in manso Juliani nihil dabunt mihi, quamvis fuit de parrochia mea. Si quis vir vel femina destruere vel recuperare voluerit hoc quod dedi et reliqui sanctæ Fidei de Conchis et sancto Petro et monachis, propterea quod fuerit de projenie mea, victus det eis libram auri quod calumpniavit, et nullam partem habeat in mea honore.
Durantus scripsit.