/212/
257. Molarias.
1001, février.
Locum sacrum sanctæ Dei æcclesiæ Conchas monasterio qui est in pago Ruthenico super fluvium Dordonis, et est constructus in honore domini et Salvatoris nostri Jhesu Christi et sanctæ Mariæ et beati Petri principis apostolorum, ubi sanctus Vincentius et sancta Fides tumulati consistunt. Quamobrem ego igitur, in Dei nomen, Odilus presbyter et frater meus Jorius presbyter /213/ cedimus vel donamus de res proprietatis nostre que nobis per originem parentorum obvenit, hoc est unus caput mansus ubi visi sumus manere cum vineas, cum pratis, cum vernarias → Gloss. garricis → Gloss. vernarias, cum silvis, garricis, cum terras cultas et incultas, cum quantum in ipsum locum visi sumus habere vel possidere, totum et abintegrum ad ipsa casa Dei cedimus vel condonamus; et est ipse alodus in vicaria Ruthiniacense, in loco quæ vocatur Molarias. Et si ullus homo aut ulla amissa persona alodem istum de comunia → Gloss. comunia tollere voluerit, licentiam non habeat ad faciendum, et sit excomunicatus ex Patrem et Filium et Spiritum Sanctum et sancta Maria matrem Domini et sancti Petri et sancta Fide et aliorum sanctorum, et permaneat cum Dathan et Abiron in infernum. Si quis nos ipsi, inmutata voluntate nostra, aut ullus de heredibus vel propinquis nostris aut ulla amissa persona qui contra cessione ista ulla calumpnia jenerare presumpserit, hoc ei non liceat facere, sed componat ad partibus monasterii tantum vel alium tantum quantum ipse alodus eo tempore melioratus valere potuerit in duplum sit redditurus, et quod petit non vindicet, sed præsens cessio ista firma permaneat cum stibulatione subnixa.
Facta carta donatione ista die veneris, in mense febroario, anno v regnante Rodberto rege. — S. Odilone presbytero et Jorio presbytero qui carta ista scribere vel adfirmare rogaverunt. S. Hictore, Ragamberto, Rainulfo, Guidono, Rainono. — Adalgerius scripsit.