/216/
262. De Illos Ermos.
916, février.
In honore et reverentia Domini hac Dei nostri. Locum sacrum qui situs est in pago Ruthenico in honore et reverentia domini et Salvatoris nostri Jhesu Christi, ex reliquiis ejus deligatis, seu et sanctæ Marie matris ejus et ex reliquiis beati Petri principis apostolorum, ubi sanctus Vincentius et sancta Fides tumulati requiescunt, cui vocabulum est Conchas, et sociis eorum qui in eodem domicilio conectuntur, qui est situs in pago Ruthenico, in ministerio Ferriacense, super fluvium Dordone, ubi Rodulfus abba preesse videtur una cum monachis ibidem Deo servientes. Igitur ego Sulpicius et conjux mea Teudburgis, propter animas nostras et propter filium nostrum Deusdet, cogitamus de Dei misericordia, ut pius Dominus veniam et indulgentiam nobis dignare dignetur, cedimus ad ipsa casa Dei vel ad ipso abbate seu ad ipsa congregacione mansum unum qui nobis de hereditate /217/ vel per comparacione seu per atractum → Gloss. atractum scripturarum legibus obvenit; et est ipse mansus in pago Ruthenico, in ministerio Catlatense, in villare quæ dicitur ad illos Ermos, ubi Bernardus visus est manere cum curte et orto, cum exeo et regresso, cum terras cultas et incultas, quistum → Gloss. quistum vel adinquirendum est, quantumcumque ad ipsum mansum aspicit vel aspicere videtur, totum et abintegrum cedimus ad ipsa casa Dei vel ad ipso monasterio. Licentiam vero nec potestatem non habeant nec abbas nec ulli monachi nec vindere nec concambiare nec beneficiare nec in feo donare, sed volumus ut semper omnique tempore sit in opus sancti Salvatoris vel sancte Fidis seu sancti Vincentii ad luminaria faciendam, et quicquid seniorum sacrestanus fuerit, ipsum mansum habeat in potestatae ad hoc opus faciendum sane. De repeticione dico, si quis nos, emutata voluntate nostra, aut ullus de heredes vel propinquis nostris aut ulla amissa vel subrogata persona qui contra nos aut contra carta vel cessione ista aut agere vel inquitare voluerit, ei non liceat vindicare, sed insuper componat ad ipsa casa Dei vel ad ipso abbate seu ad ipsa congregatione tantum et alium tantum quantum ipse mansus vel ipsa terra ulloque tempore meliorata valere potuerit in duplum sit redditurus, et hoc quod petit non vindicet, sed presens carta vel cessio ista firma et stabilis permaneat cum stibulatione subnixa.
Facta carta vel cessione ista die mercoris, in mense februario, anno xviii regnate Karolo rege. — S. Sulpicio, Teudburgis uxore sua consentiente qui carta vel cessione ista scribere vel adfirmare rogaverunt. S. Aldebaldo, Ricardo, Guitbaldo, Gadoni, Junan. — Sigmarus scripsit.