/252/
322. De Vaisa in Barres.
919, avril.
Locum sacrum sancte Dei æcclesiæ quæ est fundata in honore sancti Salvatoris in monasterio Conchas. Ob hoc igitur, in Dei nomen, Odda et Regemundus filius suus damus ad ipsa æcclesia sancti Salvatori mansos duos in vicaria Barres: manso in villa quæ dicitur Vaxa, manso ubi Gairardus visus est manere, et alio manso ubi Constantius visus est manere. Hoc donavimus pro anima Fredoloni et filio suo Bernardi, ut pius Dominus prestet illis indulgentiam de peccatis eorum minuandis; istos mansos jam superius nominatos cedimus ad ipsa sancta Dei ecclesia sancti Salvatori, de presente donamus ad serviendum ibidem vel ad ipsos servientes Deo ibidem famulantes qui ibi sunt vel futuri erunt, id est habendi et possidendum sive in usus propriis detinendis, in ejus racione nec vindicare nec aliejenare non possunt, nec ad ullum hominem dare non possunt, nisi ad ipsos clericos qui ad ipsa sancta Dei æcclesia serviunt, et si hoc fecerunt ad ipsos /253/ proprios parentes revertat. Sane si quis nos ipsi, immutata voluntate nostra, aut ullus de heredibus nostris vel ulla emissa persona qui contra hanc donatione inquietare voluerit, hoc ei non liceat vindicare quod petit, et beati Salvatorii metuens perorrescat, directa vero donatio ista firma permaneat cum stibulatione subnixa.
Facta carta donatione ista die lunis, in mense aprili, anno xxi regnante Karlo rege. — S. Oddane, Raimundo filio suo qui hanc carta donatione ista scribere et firmare rogaverunt. S. Hugono, Guarnario, Anjalberto, Jorio, Maganfredo. — Leudgarius scripsit.