/257/
329. De Vilars.
1060-1108.
Ego Atto Matfredus et uxor mea et filii nostri damus sancto Salvatori et sancte Fide de Conchis illum nostrum mansum de Vilars qui est in parrochia sanctæ Mariæ de Garbdis totum et abintegrum, alodum et phevum et vicariam, sicuti melius habuimus et visi sumus habere. Fines vero istius mansi terminantur: ex una parte usque in stratam puplicam, et ex alia parte rivum Lauconis, et ex alia parte desuper aliam stratam publicam et usque ad fontem Mercadieram, et ex alia parte desubtus usque in Perario et ad illas Foveas. Quantum infra istas fines concluditur, totum et abintegrum donamus domino Deo et sanctæ Fidi. Et quantum de supradicto manso remanserit extra fines istos, similiter damus ubi in qualicunque loco fuerit, sicut terminavimus et terminare fecimus, videntibus fevalibus nostris, Duranno et Amelio, et pro hoc abum fevum a nobis accipientibus et hoc donum auctorizantibus et laudantibus. Si vir aut femina ex projenie nostra hoc donum usurpare aut infringe voluerit, det altari sancte Fidis de Conchis tres libras auri, et postea sit firma et stabilis hæc donatio.
S. Atto Matfredi et uxori ejus. S. Geraldo Ameli, Duranno Raimundi, Amehi Mancipio, Ameli filiaster ejus, Atto Saisset, Rigualdi Hermengaudi, Petri Bego. — Regnante Philippo rege. — Durannus scripsit.