/257/
330. De Asperarias.
966, novembre.
Locum sacrum sancte Dei æcclesiæ qui est situs in pago Ruthenico, in vicaria Ferrairense que est fundatus super alveum Dordonis in honore domini nostri Jhesu Christi et sancta Maria et sancti Petri principis apostolorum, hubi sanctus Vincentius et sancta Fides tumulati consistunt, unde domnus Stephanus episcopus et Hugo abba rectores preesse videntur cum cuncta congregatione ibidem Deo famulantes. Quamobrem ego enim, in Dei /258/ nomen, Frotardus clericus cedo vel dono ad prephato monasterio cujus vocabulum est Conchas villa mea qui michi per hereditatem obvenit; et est ipsa villa mea in pago Ruthenico, in vicaria Maurotense, in loco quæ vocatur Asperarias. Illos mansos duodecim que ego Frotardus visus sum habere vel possidere, ipsos mansos, cum terras cultas et incultas, cum pratos et boscos, cum exeos et regressos, cum aquis aquarum, cum quantum ad ipso mansos aspicit vel aspicere videtur, quistum → Gloss. quistum vel adinquirendum est, totum et ab integrum cedo vel dono ad ipsa casa Dei jam supra dicta, pro anima mea et pro anima jenitore meo Hictore et jenetrice mea Senegundis et fratres meos et propinquis meis, ut post hunc diem habeatis, teneatis, possideatis et fructum fructuarium recipiatis, sine ullo contradicente in omnibus sane. Si quis ego, inmutata voluntate mea, vel ullus de heredibus et propinquis meis aut ulla amissa persona vel ullus homo per ullo quoque injenio qui contra carta donatione ista ire aut agere vel inquietare voluerit, faciat exinde quod lex est.
Facta carta donatione ista sub die mercoris, in mense novimbrio, anno xii regnante Lothario rege. — S. Frotardo qui carta donatione ista scribere vel firmare rogavit. S. Umberto, Escafredo, Odalrico, Abono, Sigerio. — Rodbertus scripsit.