/293/
396. De Laurangu.
1065-1087, février.
In nomine sancte et individue Trinitatis. Ego Rodbertus filius Rodberti Isalgari et Stephanie dono sancto Salvatori de Conchis et sancte Fidi virginis et martiris fevum et vindemiam mei mansi de Bacallaria qui est in villa Deuslet, et quartam partem decimi de villa quæ dicitur Jarri, et totum meum drictum quem habeo in villa de Laurangues, et meum pratum de Cros, et unum mansum de Freig Bez, et vi appendarias in villa de Bacza, et totum meum drictum quem habeo in villa de Ribetas; totum quantum habeo et aliqua persona de me tenet dono sancto Salvatori et sancte Fidi et abbati Stephano et monachis sanctæ Fidis presentibus et futuris, pro remedio animarum patris et matris meæ; et facio me monachum in predicto loco. Si vero huic donationi aliqua persona in aliqua re contraria extitit, non habeat potestatem, victus hac auctoritate karte et firmatoribus his idoneis subtus scriptis.
S. Eustorgii, Bernardi de Avalogiolo, Rotberti de Castello, Giraldi Guinaberti, Ademari Franconis. — Scripta est hoc donatio in mense febroario, rege regnante Phylippo. — Poncius monachus scripsit.