/337/
466. Barbasta
1100-1104.
Preceptum domini nostri Jhesu Christi Nazareni est: date et dabitur vobis, date bona vestra terrestria ut mereamini adquirere bona celestia. Hoc Domini precepto ductus, ego Petrus Dei gratia rex Aragonensium et Pampilonensium, pro salute et remedio anime meæ et bone memorie patris mei regis Sancii et matris mee ceterorumque parentum meorum necnon pro in colomitate → Gloss. colomitate et augmentatione regni nostri tociusque nostre posteritatis, dono et concedo sancto Salvatori et sancte Fidi gloriose virgini de Conchis et abbati Begoni monachisque tam presentibus quam futuris ejusdem loci majorem et meliorem unam mezchitam → Gloss. mezchitam que sit in Barbastro ad construendum ibi monasterium, excepta illa de sede episcopali. Dono etiam ad presens illam almuniam → Gloss. almuniam del Bentepiello cum omnibus terminis et adjacentiis suis, sicut habebat et possidebat die qua ego cepi fabricare illum meum castellum.