/352/
485. De Columbers.
1107.
In nomine sancte et individuae Trinitatis. Ego Adela comitissa Willelmi regis Anglorum et Matildis regine filia, pro salute domini mei comitis Heenrici et pro redemptione animæ meæ filiorum que meorum simulque supradictorum genitorum vel omnium parentum meorum, post illam confirmationem et restitutionem quam, plurimorum nobilium judicio et audientia, monachis sanctæ Fidis de Columbariensi ecclesise feci, benignissimo nutu Dei placuit mihi et filiis meis ipsam ecclesiam aliquantulum de nostris communibus beneficiis amplificare, quatenus monachi presentes vel succedentes servicium Dei et sanctæ Fidis dominæ suæ ibidem valeant sine gravi penuria perficere; in primis ut, si quis nostrorum hominum miles, burgensis, servus, liber vel rusticus ex propriis possessionibus honorem scilicet, pecuniam vel aliud aliquid quod ad dominatum nostrum pertinet eis pro karitate largiri decreverit, liberam ex nostra parte licentiam habeant donandi et monachi recipiendi. Concedo etiam monachis sanctæ Fidis carrucam → Gloss. carrucam nostram integre, sicuti ab antecessoribus nostris possessa est, apud Bussiacum, cum omnibus terris et pratis que ad ipsam carrucam pertinent et horreum ante æcclesiam et domum quæ ad levam ipsius horrei sita est et molendinum qui est supra villam, cum omni parrochia et usuariis ad ipsum pertinentibus, sicuti a comitissa Adela cum omnibus aliis supradictis possessum est; dono etiam illos vii hospites → Gloss. hospites cum omni consuetudine in eadem villa et xl solidos omni anno. Concedo et moncellum in quo æcclesia sancte Fidis posita est monachis, cum omnibus reditibus suis, villicationem → Gloss. villicationem, scilicet dominationem, censum et hospites et ex integro omnem consuetudinem quam ibi solebamus habere. Super hec omnia illud quod capellani mei in æcclesia sancti Dionisii solent accipere totum ab integro ad victum illorum committo, theloneum → Gloss. theloneum similiter omne quod in festivitate sancti Dionisii in mercato vel in omni castro /353/ exierit ad opus illorum confirmo. Et apud Laniacum dono etiam eisdem monachis tres aripennos obtime vineae et domum meam, sicut abeo et possideo, cum omni integritate sui. Et illud terre paululum quod est in clivo itinerum quo pergitur Cantumerlo, ubi horreum illorum constructum est, simili modo cedo eis, et piscariam molini ante portam castri. Hoc totum donum, sicut suprascriptum est, ego et filius meus comes Teobaldus, in presentia domni Bonefacii Conchensis abbatis et fratrum ejusdem loci et manu nostra corroborando super altare ponimus.
Anno ab incarnatione Domini millesimo centesimo vii scripta est carta hec, jubente me Adela comitissa et jubente filio meo Teobaldo, iii nonas mensis julii, feria vi, regnante Philippo rege. — Auctores hujus carte sunt omnes quorum inferius nomina posita sunt. Signum Adele comitisse. Signum Teobaldi comitis. S. Hugo Mansellus et Petrus Fugafamem. S. Rainaldi de Altamaresca, Borrellus Blesensis, Hildigerius de Aliorra, Paganus hostiarius de thalamo → → Corrections hostiarius de thalamo, Durantus presbyter. S. Rotgerius cancellarius qui sigillavit cartulam, Rainaldus capellanus. S. Hugoni Flavi. S. Bernardi. S. Rodulfi Pungentis.