/406/
576. De Galiton.
1082-1094.
In Dei nomine. Ego Sancius, gratia Dei rex Aragonensium et Pampilonensium, pro remedio et salute animæ meæ et omnium parentum meorum, dono sancto Salvatori et sanctæ Fidi de Conchis illum palatium meum de Galiton, sicut hodie teneo et possideo integerrime, cum omnibus terris et vineis suis, pascuis, silvis, hortis, nemoribus, exitibus per circuitum et regressibus, et cætera, consuetudine quod palatium debet habere regis. Insuper etiam freti consilio et authoritate domini Petri venerabilis Pampilonensis episcopi, constituimus ut parrochialis ecclesia ipsius villæ inibi commutetur et decentius coustruatur; /407/ ad quam decimæ et primiciæ cum redditibus suis et cæteris ecclesiasticis debitis deinceps omnino persolvatur, quathenus beatæ Fidis monachi seu clerici, ab omnium inquietatione remoti, liberius et tranquillius inibi Deo servientes maneant et pro nobis jugiter Dei misericordiam deprecentur.